#عبدة_الشيطان

#عبدة_الشيطان

كاملين كنعرفو عبدة الشيطان فهوما مجودين ملي بدات البشرية انا اليوم ماجاياش نهضر عليهم بالتفصيل انا ليوم بغيت نعرفكم على واحد الشخص  لي نقدر نقول ساهم فانتشار ديالها اولا كانت كليكات كتعبد الشيطان و كديديرو طقوس الشيطانية ديالهم فسرية يعني بلا تنظيم ولا رابط مع شي كليكة اخرى ديال عبدة الشيطان نيت حيت كانو الا لقاو شي وحدين كيعبدو شيطان كيعدموهم و كيحرقوهم حتى بان هاد السيد لي جايا نهضر ليكم عليه سميتو "اليستر كراولي(1875/1941)" هو لي دار اسس عبادة الشيطان في العصر الحديث ودلك في الكتوبة دي الو و محاضراتو دافع على "الحرية المطلقة" و"التحرر من جميع القيود الاخلاقية والاجتماعية" من بعد ولا مع جماعة سميتها "العهد الذهبي" لي كانت سرية لي ولا هو المعلم ديالها و منبعد علن بلي امنيتو هي يولي قديس الشيطان و فعام 1900 خرج من ديك الجماعة و اسس جماعة ديالو لي سماها "النجم الفضي" من بعد ولا كيتسارا لعالم كينشر افكارو ولكن البوليس ديال طاليان جراو عليه حيت خرجات شي خبار بلي كيتعاطى لادروغ و كيبيعو و كيقدم مدابح و التضحيات و هكااك بقي كينشر افكارو حتا مات بين قراعي ديال شراب المهم دار خمسة ديال نظريات لنجاح و انتشار الفكر الشيطاني لي هي :
1-توريط العوائل في عبادة الشيطان مما يتضمن انتقال التعاليم الى الابناء
2-مهمة جيله هي نشر التعاليم الشيطانية و الاجيال القادمة عليها الحفاظ عليها و تطويرها
3-قيام عدد من الاشخاص بوضع تعاليم خاصة ضد القانون و الدين و الشرائع
4-قيام مجموعة من عبدية الشيطان بتنظيم القوانين و الدعوة الى المعتقدات الشيطانية جذب و اغواء الجمهور بشتى الوسائل المغرية
5-الاهتمام بفئة الشباب المتمرد و الثائر على المجتمع فهم قوة  التغيير في العالم
زيادة على هاد النظريات لي دار كراولي كاساس لنشر الفكر الشيطاني في العالم دار "قانون كراولي" فيه الحقوق لي خاص اي انسان يتمتع بيها
أ-لكل انسان ان يعيش وفق مزاجه الخاص "يعيش كما يريد" "يلهو كما يريد" "يرتاح كما يريد" "يسكن اينما يريد" "يلبس كما يريد" "ياكل كما يريد" "يشرب كما يريد"
ب-كما ان لكل انسان ان يعيش كما يريد ايضا له الحق ان يموت متى يريد (داكشي لاش بزاف دعبدة الشيطان كينتاحرو)
ج-لانسان الحق ان يحب كما يريد ويمارس الجنس كما يريد و مع من يريد
فمن بعد كراولي دخلت "عبادة الشيطان" المرحلة الهامة فتاريخ ديالها  على يد "انطون ساندور ليفي" لي خدم بالاسس والقوانين ديال كراولي و اسس اول كنيسة شيطان و من بعد دار الانجيل شيطاني و بدا كيجمع كاع عبدة الشيطان فالعالم
وبهادشي غتكون سلات المقالة وعندي اضافة
لابليسية الالحادية atheistic satanism : لي هما الملحيدين كينكرو وجود الله و وجود الشيطان مكيآمنوش بوجود الحياة بعد الموت ولكن كيقدسو الشيطان كرمز تحرر و لانعتاق من كل القيود الاجتماعية و الاخلاقية كيشوفو فالشيطان (بمعنى ادق الصورة النمطية للشيطان حيت قلنا مكيآمنوش بوجود ديالو) على انه رمز الثورة و التمرد و تمجيد ذات اءن الشيطان عندهم ماشي هو داك الكائن لي عندو كرون و لونو حمر فهو عندهم كيمثل في فكرة انكار الحدود و اعلان الذات و لارادة و الثورة علي التقاليد و العادات الاجتماعية و الدينية و الاخلاقية (هادو ماشي عبدة الشيطان حيث مكيعتارفوش بطقوس  و عبادات و القرابين
الابليسية الروحانية هما لي كياخدو الشيطان الها و كيمارسو الطقوس و كيقدمو قرابين
فهو بالنسبة ليهم اله الشر و اله الظلام و حامل النور ورئيس العالم وبزاف الصفات الاخرى
لذا فواحد الصلاة ديالهم اسمها "صلاة الزعيم" كيرددو فيها هاد التراتيل "ايها الشيطان ، زعيم الابالسة الجهنمية ، يا ملك الهاوية والعقاب ، اضرع اليك ان تصغي الى صلاتي ، بارك عبدك في خدمتك امامك"
لمهم كيفما كتشوفو لابليسيون منقاسمين على جوج متناقضين في النظرة الى الشيطان ولكن كيتوافقو في انكار الحدود واباحة الملذات المحرمة و تمجيذ الذات وشتم الاديان بلاضافة الى الشدود في كل شيء بداية من الحوايج و الوشوم وانتهاءا بطريقة التفكير و الميول الجنسية

Ed Sanae