شنو هو الذكاء!!
هادا أول مقال ليا ف شارلي كنتمنا يكون مفيد و لي عندو شي إضافة ولى تصحيح ميبخلش علينا لكي تعم الفائدة
الذكاء هو وحد المصطلح كيشمل القدرات العقلية المتعلقة بالقدرة على التحليل، والتخطيط، وحل المشاكل، وبناء الاستنتاجات وسرعة المحاكمات العقلية، كيفما كيشمل القدرة على التفكير المجرد، وجمع وتنسيق الأفكار، والتقاط اللغات، وسرعة التعلم. وفيه حتا القدرة على الإحساس وإبداء المشاعر وفهم مشاعر الآخرين.
بما أن المفهوم العام السائد عند الناس للذكاء كيشمل جميع هذه الأمور وربما خلاوها مرتبطة بقوة الذاكرة، إلا أن علم النفس تيقوم بدراسة الذكاء كميزة سلوكية مستقلة عن الإبداع، والشخصية، والحكمة وحتى قوة الحافظة المتعلقة بالذاكرة.
كين بزاف ديال الإمتحانات ليكتعون فالقياس ديال مستوى الذكاء (IQ) ولاكن هاد الإمتحانات ديال الذكاء يتم إتهامها بأنها متتقدرش تحدد ذوي الذكاء العالي وذوي الذكاء المنخفض. حيت النظريات اللي كينة دب تتأكد وجود أنواع متعددة من الذكاء, و هاد الامتحانات مغديش تقدر تحدد العبقرية ديالك فهاد الأنواع كلها.
وهاد الأنواع كتتقسم لسبعة ديال الأنواعو لي هي:
الذكاء اللغوي_واللي هو القدرة على التحدث و التأليف
الذكاء المنطقي_واللي فيه القدرة على الحساب و حل الأمور المنطقية
الذكاء الحيزي_وهو القدرة على التفكير بالصور و تخيل الأمور بطريقة تلاثية الأبعاد
الذكاء الموسيقي_القدرة على سماع الألحان و فهم التألف اللي فيها
الذكاء الجسدي/الحركي_وهو قدرة العقل على أنه يتحكم فالجسم بسرعة و مهارة
الذكاء الإجتماعي_واللي هو القدرة على فهم الأخرين و التعامل معاهم بسلاسة
الذكاء الشخصي_واللي كيتمثل فالقدرة علا فهم الذات و تطويرها
تاواحد ممكلخ ولا غبي, إلا فحالات نادرة, حيت كل واحد فينا عندو شي أنواع ديال الذكاء مجهد فيهم و شي حوايج متوسط ولا ضعيف فيهم.
دب حاليا العلماء تيقسمو الذكاء فالشخص البالغ لزوج ديال الأقسام قسم موروث, وقسم متأثر بالبيئة.
أولا: القسم الموروث هو اللي تيكون فالإنسان عن طريق الإنتقال ديال الصفات الوراثية بالجينات, و هاد النوع ديال الجينات بالضبط تتكون دائما من جهة الأم بمعنى أخر الأبناء متيورتوش الذكاء من الأب.
ثانيا: القسم المتأثر بالبيئة وهاد القسم مهم بزاف كتر من قسم الذكاء الورثي حيت يقدر هاداك الشخص يورث صفات ديال الذكاء عالية بزاف ولكن البيئة المحيطة اللي تيعيش فيها متتنميش داك الذكاء و يقدر يوقع العكس فحالة أن هاداك الشخص عندو صفات وراثية ديال الدكاء منخافضة ولكن البيئة المحيطة تتنميليه الذكاء ديالو.....
الحاصول هدشي لي تنعرف لحد الأن بشكل مختصر المرة الجاية غنتكلم علا كل نوع بحدو
بكلافيي: أبولو المسطي
Aucun commentaire:
Enregistrer un commentaire