إدمان

#ادمان

مهم كل واحد وكيفاش كايشوف الادمان والادامن درجات .
كلشي متافق ان جميع انواع السجائر مضرة بالصحة وممكن تكون قاتلة فحالة ما كنتي كاتكمي بلا فران وما مقننش البلية ديالك .
انا قبل من شهر قررت نقطع الكارو لي بالنسبة ليا ادمان . كان كايبالي مستحيل نقطع لكن مع الارادة قدرت انني نتخلا عليه. 
المشكل هو انه كايبالي الحياة تا لعبة يلا ماشعلتيش مارلبورو بعد فطور زوين . ولا بعد وجبة غذاء غنية بالفيتامينات 😍😍😍
وليت كانكلس فنفس البلاصة لي من قبل كنت كارتاح فيها بل وكانستمتع فيها فاش كانجبد مالبورو ونشعلو. ونعيييش اللحضة.  دابا نفس المكان كايجيني حتا لعبة .
ما كانشجعش على الادمان مي كانصح بإدمان مقنن . علاش كل ثانية انشعل كارو . كل خطوة كارو . تيقني ما غاتبقاش داك حلاوة السجائر.  فحين يلا خليتي داك السيجارة حتا لوقتها وتعيش معاها غايكون احسن . دزت من مرحلة كانكمي 2 بواكي فنهار.  مي كاتفقد الطعم ديال الكارو.
اوا خلاوها الشيئ اذل زاد عن حده انقلب الى ضدع اكيد.  دونك نصيحة قننو الادمان ديالكم باش داك الحاجة لي نتوما مدمنين عليها ماتفقدش الطعم ديالها .
كنتي مبلي بالحشيش حاول تكمي فالوقت لي متوفر الجو ديال الكمايا . باش يبقا عقلك يستمتع بداك التبغيلة.  سي نون علاش غاتكميها وهي ما كادير ليك ولو .
كنتي مبلي تشاطي مع شي شخص . قنن البليا ديالك باش مايطلعش ليك فالراس.
اي ادنان كيف ما كان نوعو هاصو يكون مقنن وفالوقت المناسب لداك الادمان باش مايفقدش الطعم ديالو .
دابا مابقيتش مبلي لكن فاش كاتوفر الشروط باش نشعل مارلبورو ديالي كانشعلو ونعييش معاه
ايييوا هادشي لي كاين والمهم هي المشاركة.

تخت شعار قننو ادمانكم .

بكلافيي:Youness