بابلو إيميليو ايسكوبار جافيريا

بابلو إيميليو ايسكوبار جافيريا
بابلو اسكوبار أكبر تاجر مخدرات وأخطر مجرم عرفو التاريخ، بابلو تزاد فكولومبيا كانت مقودة عليه كان ديما كيقول لمو تسنايني نكبر وغنولي اغنى رجل فالعالم، بدى فعالم الاجرام فسن المراهقة ف مدينة ميديلين كان كيمشي للمقابر وكيخرج منو الجتث ديال الموتى لي يالاه تدفنو ويمشي يبيعها ف باناما شوية بدى فالنصب والاحتيال وبيع وتزوير البطاقات ديال اليانصيب وسرقة السيارات واول عملية اختطاف كان ختاطف واحد المسؤول فنفس المدينة وطلب فدية وخدا 100 ألف دولار، شوية دخل لعالم المخدرات بدى كيصدر المخدرات للولايات كان كيهرب المخدرات فروايض ديال طيارات وكان كايرشي البيلوطات والمسؤولين فالمطارات باش يديرو عين ميكة من بعد شرى أسطول ديال طائرات من نوع بوينغ 727 وحيد منهم الكراسى باش يهرب فيهم لادرووگ فقط، اول مرة غيتشد فيها غايبغي يرشي واحد القاضي ولكن كانت محاولة فاشلة من تما بدى كيطبق قانون "شد الرشوة ولا تموت" من ورا ديك المدة قتل جوج محققين فالقضية ديالو، الثروة ديال بابلو بدى كتكبر ومبقاش عندو فين يخبي الفلوس كان كيجيب برامل ويعمرهم بالفلوس ويدفنهم تحت لارض وفالغابات وكان كيقتل اي واحد جا قدامو لدرجة قتل اكثر من 3000 شخص و 3 مرشحين رئاسيين فكولومبيا منهم وزير العدل والنائب العام الكولومبي و 200 قاضي واكثر من 1000 بوليسي بابلو ف المحاولة ظيالو باش يقتل المرشح الرئاسي "سيزار جيفاريا" فرگع طيارة على قدها لي كان راكب فيها وماتو معاه 110 راكب، بابلو كان كيستخدم اسماء مستعارة وشرا رجال الحكومة والبرلمان ودعم واحد الحزب ونتاخبوه فمجلس الشيوخ الكولومبي وكتاسب حصانة باش ميبقاش يحاكموه بتهم التهريب وبالتالي يتمكن من الدخول لأمريكا لي كان مطلوب فيها، بابلو كان كيدعم الفقراء وبنى اكبر عدد ديال المدارس وكنائس و سبيطارات واعمال خيرية وكسب الحب ديال الشعب وكانو كيلقبوه ب"روبن هود" و الأب الروحي" بابلو كان كيخاف من امريكا وكان كيتمنى يموت وماتشدوش امريكا الشيء لي خلاه مشى عند الحكومة الكولومبية وطلب منهم يشدوه ولكن بشرط ميسلموهش لأمريكا والشرط تاني انه يبني الحبس ديالو خاص به ويكون فيه جميع وسائل الرفاهية، بابلو ف اواخر 90 ولا مطلوب وناضت عليه الهضرة وصداع هنا تدخلات الولايات وشكلات وحدة خاصة + مافيات كانو متنافسين معاه فسوق المخدرات باش يقتلوه ف 93 عرفو المخبأ ديالو وتبادلو القرطاس وهنا غيموت بابلو ملي لقاو قرطاسة فودنو وكاين لي كيقول انه قتل راسو حيت كان كيفضل يموت وماتشدوش الميريكان.