علاش أنا كا نطلع خايب ف تصاور و سيلفيات

علاش أنا كا نطلع خايب ف تصاور و سيلفيات و صاحبي ك يطلع مبوكص؟ :

كاين بزاف ديال الأسباب اللي كتخليك تبان خيبوع فتصاور. شي مرات ببساطة (و سمح ليا راه ماشي عليك ) لانك ما فيك ما يتشاف؛ أو كا تقصد تبان هاكا أو الكاميرا باش صورتي عندها البعد البوري كبير و كا تكور ليك وجهك إلى قربتي، و من غير هاد الأسباب كاين سبب علمي،

حنا والفنا نشوفو راسنا ف لمرايا ، و لكن ملي كا نصورو راسنا ب كاميرا كنشفو راسنا كيما كيشوفونا الناس، و هاد شي علاش ملي كا نشوفو تصويرة معانا بزاف د ناس كا يبان كلشي كيما كا نعرفوهم إلى إلا كمارتك (ما تقلقش غي ضاحكين ههههه )

واش غي نتا اللي كا يوقع ليه هاد شي ؟ ماشي غي نت بوحدك اللي كا يفكر هاكا جميع الناس كيفكروا بحالك (قلت كيفكرو بحالك ماشي بحالك، نتا مازال كتشبة للكىصرونة. هههه وسع خاطرك و رجع كمل لقراية ديال المقال )، هاد شي علاش ملي كا تصور معا الساطا كا تقول ليها جيتي مبوكصا آ ربيعة ، هي كا تقول ليك لا، نتا اللي جيتي مبو كص (هههه  غي طالقاها عليك ، تيقتي ؟ هههه)، و لكن واش هادي أسباب باش ما تبقاش تتصور؟ و تبقى تصور غي إلا بغيتي تبدل لاكارت ناسيونال أو باسبور.

كاين اللي كا يشعر بالراحة ملي كيتصور ، و كاين اللي كا يتعصب ألا طلع سيلفي عيان (لبنات على الخصوص)، و الأغلبية ديال التصاور اللي داير ف فايسبوك مصورين ب فيلتر اللي كا يقاد ليك تصويرة و يحيد ليك تكماش و لقميش اللي فوجهك ، و دوك cernes اللي تحت عينيك (هههههه كيعتي تاني فرشتك؟ وسع خاطرك و كمل لبوست.)

و شحال من مرة الساطة اللي عرفتيها ف الفيسبوك ، درتو تلاقو و ملي تلاقيتو تصدمتي ( راه حتى هي تصدمات، هههههه من تما ما بقيتي شفتيها و دارت ليك بلوك ف لواتساب، خلعتيها أ عشيري ).

لموهيم أنا غادي نعطيك شي لعيبات باش تجي واعر ف تصاور ( ها أنا عاود تاني ، نشطي ليا دابا ، قلت ليك صبر .):

- إلى كنتي دري ديما تصور من الجهة ليسرية ديال وجهك  و لبنات يتصورو من جهة ليمنية ديال وجهوم (كاين سبب علمي نشرحوه شي مرة، غي فكرني )
- الدريات يديرو لفيلتر ديال Fish Gape و دراري دير candy camera )باش تخبي دوك التضاريس اللي ف وجهك)
- إلى غادي دير فلاش حط عليه طرف ديال كلينيكس باش يتشتت الضو ديالو
- و ما تفرنسش ب فمك محلول (راه الموت كا تدور)

هاد شي لي كاين ليوم، و اللي عندو شي نصيحة ل صاحب ربيعة يحطها ف الكومنتر راه غادي تقلب عليه ساطة مسكين تعاونو معاه

بكلافيي: Youssef Sanhaji