شخصيات_مقودة_ميتاليكا

#شخصيات_مقودة

متسوقش لداكشي لي تايقولو
ماتسوقش لداكشي لي كايديرو
ماتسوقش لداكشي لي كايعرفو

محاولة ديال ترجمة بعض كلمات اغنية (نوتينغ إلز ماتر) ديال أقود مجموعة هيفي ميتال على الاطلاق ولي الكلمات ديال الاغاني ديالهوم عميقة وزوينة بزاف
مجموعة ميتاليكا تأسست في 1981 في لوس انجلوس فكاليفورنيا فالوقت الي كان العالم كايعرف ثورة  موسيقية  حقيقة في الثمانينات الي  بان  فيها مايكل جاكسون ومادونا وبزااااف ديال المقودين
هاد المجموعة كاتكون من  اربعة ديال الاعضاء  اسسها واحد خونا سميتو جيمس هيتفلد الي هو المغني الرءيسي وعازف الغيتار وكان معاه لارس الريك لي هو الباطور من بعد قبل ما اخرجو الالبوم الاول  في 1983 غادي التحق بيهوم الصوليصت المقود كيرك هاميلتون  لي كايعتبروه المتعصبين ديال ميتاليكا   اقود صوليست فالتارخ ديال الروك ودازو  معهوم  بزاف ديال  لي باصيصت اخر واحد هو روبيرتو تروهيو بدا معاهوم من 2003
خرجو اول البوم ديالهوم في 1983 وسميتو Kill Em All  مباشرة لفتو الانتباه  ديال النقاد لدرجة التفاهم الكبيرة لي كانت بيناتهوم   من بعد  في 1984 خرجو البوم اخر سميتو  Ride The Lightning وتبعوه المقود Master Of Puppets في 1986 لي غادي اتصدر تصنيف ديالث200 Billboard من السيمانا  الاولى باش خرج وغادي اوليو من بعد  ثلاتة  ديال الالبومات فقط من بين اكبر 4 المجموعات ديال التراتش ميتال فميريكان لي هما سلاير و ميغاديت وانتراكس
ميتاليكا غادي تفتتح التصنيف ديال200 Billboard  بخمسة ديال الالبومات على التوالي داكشي لي ماقدرات تا شي فرقة اخرى ديرو  وباعو اكتر من 100 مليون البوم  وربحو  9 ديال الغرامي اوارد وبزاف ديال الجواءز اخرى . وخرجو 10 ديال الالبومات فقط فهاد 34 سنة بمعدل البوم كل ثلاتة سنوات داكشي لي كايرجع للخدمة الكبيرة لي كاياخد ليهوم الالبوم ماشي بحال واحد  الكامبو  عندنا خطب الملك الغد ليه  خرج اغنية  وقاليك انا فنان انا فنان
ميتاليكا عندها جمهور كبييير فالعالم كامل وديما الحفلات ديالها كاتجدب عدد كبير   ديال الجمهور وفي 1991 غادي تشارك  ميتاليكا فمهرجان فموسكو وغادي تجدب 1،600،000 ديال الجمهور وغادي اتكلاسا هاد الحفل في المرتبة الرابعة كاكبر حفل من حيت الحضور الجماهيري فالتاريخ
انا اول مرة غادي نتمزكك ليهوم كانت في تاغازوت كنت كامي ما تيسر من مخدرات وكان عندي واحد الكاسك زوين درتو فودنيا وكان الدسيك لي تصنت ليه هو enter  sandman وكانت واحد التجربة موسيقية مقودة مزال عاقل على ديك  القوة ديال الاصوات ديال الغيتار والباص والصوت ديال جيمس . كاينين هنا شي معجبين ديال ميتاليكا عاودو لينا التجربة ديالكوم والقصة ديال اول مورصو ديالهوم تصنتو ليه

بكلافيي: Ahmed Osghir