Animé One Piece

انيم
السلام " وان بيس " لابد انك سمعتي هاد الاسم فشي بلاصة سواءا كنتي كتعرفو ولا لا قرا هادشي واخا طويل شوية ....
وان بيس هو واحد الانيم ياباني بدا فسنة 1998 بدا و مزال مستمر لحد الساعة و الحلقات ديالو اكثر من 800 ربما البعض كيقول بلي 800 حلقة بزاف نتفرج فيها و الوقت و كذا و كذا و لكن كنضمن ليك بلي ايلا بديتي تفرج غادي تقول مصاب لو كان اكثر من هادشي نزيد نتفرج و غادي تبقا على اعصابك فانتظار الحلقة القادمة لشدة روعة القصة و تسلسل الاحداث ...كاين اختلاف على انه افضل انيم فالتاريخ و لكن مما لا شك فيه انه بعد النهاية ديالو غادي يخلي فراغ كبير فعالم الانيم كخلاصة القصة كدور على واحد الطاقم لي سميتو " طاقم قبعة القش " و القائد هو بطل القصة " مونكي دي لوفي" لي هو شاب طموح الهدف ديالو يولي ملك القراصنة من بعدما واعد الشعر الاحمر شانكس باش يرجع ليه القبعة القشية ديالو.... خرج للبحر فسن 17 سنة و جمع الطاقم و كتكون من رونوروا زورو (اليد اليمنى)و سانجي فينسموك(اليد اليسرى) و نامي ، اوسوب ، روبين ، تشوبر ، فرانكي ، بروك ... و كل واحد فيهوم عندو حلم مختلف باغي يحققو لذلك كانت الوجهة ديالهم الخط العظيم و من بعد العالم الجديد خلال الرحلة ديالهم كيواجو بزاف د الصعاب باش يوصلو للهدف..... الانيم كينقسم على اربع جهات كبرى القراصنة  و الجيش الثوري لي عليهوم مكافئات و حكومة العالم و البحرية لي تابعة للاخيرة نبداو بالمناصب لي كاينة فالقراصنة ...كاين ملك القراصنة الوحيد لي وصل ليه هو غول دي روجر من بعد كاينين اليونكو لي هوما الاباطرة الاربعة و كاين السوبر نوفا لي مكافئة ديالهم فايتة 100 مليون بيلي و القراصنة عاديين... فالبحرية كاين قائد الاسطول و الادميرالات و النواب ديالهم و الشيبوكاي لي هوما قراصنة تحت لواء البحرية و الجنود... و فحكومة العالم كاين التنانين السماوية و الجيروسي و منظمة سي بي من 0 ل 9 و فالجيش الثوري كاين داراغون والد لوفي لي ممعروفش عليه بزاف و القادة بحال سابو اخو لوفي و ايفانكوف.. و كاين الجنود .... اما بالنسبة لموازين القوى فهي مختلفة كاين فواكه الشيطان لي هيا مزالا سر كتعطي قوة خارقة فمقابل التخلي على قدرة السباحة بحال لوفي و اللحية البيضاء و ايس و تشوبر ... و كاين السيافين لي كستعملو السيف بحال شيريو و زرور و ميهوك .. و كاين الهاكي لي هو انواع هاكي الملكي و لي ماشي عند كولشي بان غير عند 9 ديال الشخصيات و هاكي التصلب او التسلح و هاكي التنبأ لي هوما شائعين و كاين لي كستخدم الفنون القتالية بحال سانجي و هاك و ايفانكوف و غيرهم ... هاد الجهات لي ذكرت كتصارع بيناتها باش كل جهة تفرض السيطرة ديالها خصوصا ان حكومة العالم كتحاول تخفي السر ديال القرن المفقود و خلال هاد المغامرة كيوقعو احداث عديدة و تقلبات كتغير مسار القصة  بحال موت اخ لوفي اختفاء الطاقم ...(غادي ندير ليكوم لينك لملخص القصة لتحت ) الشيئ الجميل فالقصة هو ان  الكاتب وظف فيها الخيال و الواقع ...الاكشن و الدراما و التشويق و كذالك الاصالة و المعاصرة و الثقافات تاع بزاف ديال الحضارات بحال الشرق الاوسط فأرك اراباسطا و اسبانيا ف دريس روزا و اليابان قادما فأرك وانو ... خلاصة القول ان بحال هاد الانتاج كيبغي بزاف ديال الذكاء و الابداع باش يكون عند حسن الظن و بغيت نوجه واحد الكلمة لي كيقول ليك بلي داكشي غير مخيات راه مخاصكش تحكم على شي حاجة مكتعرفهاش و النيفو د القصص هربان بزاف جرب عاد حكم او كيما كيقولو "Don't Hate What You Don't Understand"

و شكرا 

بكلافيي: عمر الفحوص