العادة_السرية

تحليل آخر لظاهرة #العادة_السرية والتي لم تعد سرية ::

الإحصائيات كتقول على أن أكثر من 90% من الشباب و أكثر من 70% من الدريات كيمارسو العادة السرية ...
كتختالف طرق ممارستها عند الذكور كيما عند الإناث... فالذكور كاين لي كيمارسها بيدو و كاين لي كيستعمل شي طرق أخرين "ما نعرف داكشي كيداير" و الإناث تا هوما عندهم عدة طرق ، كاين لي بيديها و كاين لي كتمارسها بريكسونا و كاين لي باللفت أو خيزو او الgرعة او أشياء أخرى"راه السي الزمزمي حلل للإناث يستعملو الفواكه و الخضر"...تختلف الطرق و الهدف واحد هو الوصول للنشوة أو البليزير ...

العادة السرية ما كيمارسوهاش غير المراهقين و لكن ممكن لكل الفئات السنية ممارستها و ممكن تبدا من العشر سنوات الأولى و اللي كتبدا بتحسس الأعضاء و اللي من بعد كيكتشف بأن داكشي فيه متعة و من تما كتبدا المغامرة ... و حتى المتزوجين كيمارسوها و لكن بنسبة أقل من العزاب ...البرازليين دارو واحد الدراسة فالأنترنت سماوها "حوار حر" واللي بينات ليهم بأن المرأة المتزوجة كتمارس العادة السرية مرة فالشهر على الأقل و الراجل كيمارسها من جوج تا لربعا ديال المرات فالشهر...

و نفس الدراسة قالت بأن المرا كتمارسها بدون علم راجلها و الراجل كذلك... نسبة 60% من المشاركين فهاد الدراسة كيشوفو باللي العادة السرية عند الزوجين كتعتبر خيانة زوجية "مع الأيادي" لأن الزوجين كيتعتابرو مارسو الجنس... و نسبة 99% من المشاركين أكدو على أن الإستنماء كيتعتبر ضمن المعاشرة الحميمية اذا كان اتفاق بين الزوجين باش يمارسوها حدا بعضهم كنوع من التغيير في الممارسة الجنسية بيناتهم...

واش هي حلال و لا حرام ؟ أولا ما كلين تا شي نص قرآني كيحرم ممارسة العادة السرية ، تانيا العلماء أتبثو باللي هي مهمة لكل الأشخاص باش يقدر الشخص يعيش حياتو متوازن و بعض العلماء كيقولو بأن بعض الأشخاص لي كيتجاوز عمرهم الخمسين سنة خاصهم يمارسوها باش يقدرو يخرجو بعض السوائل السامة لي ممكن تسبب أمراض كالسرطان...يعني هي حلال و بلا ما يبقا يأنبكم ضميركم و لا يدوخوكم دوك الشيوخ د جوج د ريال...
كاين بعض الخرافات كتقول باللي ممارسة العادة السرية ممكن تتسب فتقليص الأعضاء الجنسية او تغيير لونها او الإصابة بالعقم أو العمى ، ولا نقصان الحيوانات المنوية عند الراجل.. و كاين لي كيقول أن الإستنماء كيتسبب فالهبال ههههه أولا ممكن تولي إدمان...هادشي كامل ما منوش مجرد تخربيق ....

العلم تبث باللي الإستنماء كيهدئ الرغبات الجنسية ديال الشخص و كيقلل من التوتر و ممكن تكون مفيدة لنوم هانئ
و كتعتبر العادة السرية صحية لأنها ما كتنقلش أمراض جنسية و لكن ممكن تتسبب فسليخ "المعلم" اذا كثرتو عليه او درتو داكشي بقوة.
أغلبيتنا كيظن باللي الشهوة كتسالي بممارسة العادة السرية و لكن الواقع و العلم تبت العكس....
موقع "T Nation" نشر واحد الدراسة كانت تدارت سنة 1978 و اللي كتقول باللي مستويات هرمون التستوستيرون عند الشباب لي خضعو للدراسة ارتفع بعد عملية الإنزال "البليزير" بوقت قصير يعني أن الرغبة و الشهوة تزادت يعني كتزيد الرغبة فالممارسة مرة أخرى
بعض الأطباء قالو باللي الإستنماء ممكن يدير عجز جنسي للمستنمي اللي كمارس العملية بقوة "لهذا تكايسو على راسكم".

بزاف ديال الناس كيحسو بالعار من بعد ما كيمارسو العادة السرية تقريبا 50% من الرجال و 50% من النسا كيحسو بالذنب و من بعد الممارسة كيبداو يجيو المشاعر السلبة "غادي نمرض.. غادي نمشي لجاهنام..."

لهذا انت وحدك تقدر تحدد واش شنو هو الصحي و الصحيح بالنسبة ليك. و إذا كنت خايف من كثرة الإستنماء،سول راسك واش هاد الفعل كيعطلني على شغالاتي المهمة و مسؤولياتي؟ اذا كان كيعطلك على شتغالاتك و مسؤولياتك و كيمنعك باش دير أعمالك اليومية و لا واجات حياتك الإجتماعية ، ربما هنا خاصك تحس بالذنب و خاصك تحاول تنقص من هادشي و إذا دعات الضرورة تزور طبيب متخصص.
Mohamed Mahmoud  بكلافي

========= المصادر================
1
https://www.plannedparenthood.org/learn/sex-and-relationships/masturbation
2
http://www.webmd.com/sex-relationships/guide/masturbation-guide
3
http://www.webmd.com/men/guide/male-masturbation-5-things-you-didnt-know
4
http://www.nhs.uk/Livewell/Goodsex/pages/masturbation.aspx
5
http://teens.webmd.com/boys/masturbation-faq
6
https://www.nhs.uk/news/cancer/sex-life-and-prostate-cancer/
7
http://onlinelibrary.wiley.com/doi/10.1111/j.1464-410X.2008.08030.x/full