الذكاء الصناعي و المثلية الجنسية...

الذكاء الصناعي و المثلية الجنسية...

اعلن باحثون من جامعة ستانفورد عن تطوير خوارزمية قادرة على تميز  الاشخاص المثليين عن غيرهم ؛ يعني بمجرد تحلل مجموعة ديال الصور ديالك غادي تحدد التوجه الجنسي  بنسبة 81% عند الذكور و 74% عند الإناث ؛ الباحثين اعتمدو فتطوير الخوارزمية على ادخال مجموعة ديال البيانات كتخص 35000 وجه باش يعرفو الخاصيات لي كتميز المثليين باستعمال "deep neutral network" نظام رياضي معقد كيحلل بزاف ديال البيانات و قادر يتعلم منها " deep machine learning" ومن بعد كيولي يدير علميات ؛ هاد النظام لقا مميزات كتميز المثليين مثلا الصفات الجسمانية ديال الذكور كتكون مختلفة على البقية و كتميل لصفات الانثوية - فك ضيق، نيف طويل و جبهة عريضة...
مهم هادشي كيطرح بزاف د الحوايج لنقاش اول حاجة هو الاصل البيولوجي ديال المثلية - نظرية جينات المثلية- حيت بالاعتماد على تفاصيل الوجه ممكن تعرف بدقة نوعا ما التوجه الجنسي - وحتى النسبة ديال الفعالية فالتعرف ديال الخوارزمية على وجوه الذكور  المثليين مقارنة مع الاناث كتدعم القضية ديال ان المثلية عند الاناث اقل " حدة " ؛
ثاني حاجة هو الخصوصية ديال الناس وهنا كتطرح اسئلة اخلاقية ، حيت هاد التقنية تقدر تستخدم لاي هدف و مع الوفرة ديال التصاور فالمواقع التواصل ممكن انها تخدم من قبل جماعات او تا حكومات لي معادية " لشواذ جنسيا " او تمارس عليهم نوع من التمييز ؛
ثالثا، الامور متقدرش  تبقا غير هنا ممكن مستقبلا يتم تطوير خوارزميات ، بنفس المبدا ديال صفات الظاهرية، ولي تقدر تنبا بالمواقف السياسية او دينية ديالك، بالشخصية ديالك...بالصدفة قبل ايام قريت مقال كيهضر على دراسة حول تطبيق الذكاء الاصطناعي فعلوم الأعصاب ولي من خلال تحليل النشاط ديال دماغ بالتصوير و  بالاعتماد على هاد الذكاء صار ممكن انهم يحددو واش الشخص كيكذب او لا او يعرفو القابلية ديالو باش يرتكب شي جريمة https://goo.gl/vYJ9n4 ; ممكن واحد نهار يولي المجرم كيتقبط قبل ميدير الجريمة و تولي كاع الحالات النفسية ديالنا و الافكار و الاراء قابلة لتنبا و المعرفة المسبقة !!

السؤال هو شمن معنى غادي يولي لحياتنا ؟

Ps : فيديو كيهضر على deep machine learning  https://youtu.be/trWrEWfhTVg

https://www.theguardian.com/technology/2017/sep/07/new-artificial-intelligence-can-tell-whether-youre-gay-or-straight-from-a-photograph#img-1

بكلافيي:Abdelhak Lamaibdel