#شنو_هو_اﻹحتلام ؟

#شنو_هو_اﻹحتلام ؟

وواش كيكون عند الرجل والمرأة ولا خاص غير بالرجال ؟ كيفا بغيتي ميجيكش وشنو لي كيخليه يجيك ؟

المهم اﻹحتلام هو واحد الماء (لزج) كيتزبق كيخرج من الرجل والمرأة وكيكون هدشي من بعد البلوغ .
هاد العملية كيفاش كتطرا كتكون كتحلم شويا كيبداو يطيحو ليك مواقف جنسية فايت ليك شفتيها ولا درتيها ولا غير فكرتي فيها وتقدر ميكونش تا حاجة من هاد اﻹختيارات .
عند الرجال هاد البلان كيخفف عليهم وكيفرغوا منو ديك الشهوة ديالهم من بعد ما مثلا نعس مع شي وحدة فالحلم والنتيجة فاللخر خروج المني المهم المسألة واضحة .
عند البنات اﻹحتلام عبارة على شنو ؟كيخرجو إفرازات من المهبل.

المهم هدشي معندو حتا ضرر على الجسد .ولكن لي كيحتلم من بعد شويا دالوقت كيجيه شي صداع فراسو ولا الكآبة يا إما حيت كنتي مشهي شي حاجة ومصدقاتش فالواقع المهم كي كون عندو غالبا آثر نفسي على الواحد .

معلينا هاد البلان اﻷكثرية كيطرا للرجال كثر من النساء
والدين اﻹسلامي شنو قال فهدشي ؟
كاين فآية
(وَإِذَا بَلَغَ الْأَطْفَالُ مِنكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِن قَبْلِهِمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ ۗ وَاللَّهُ عَلِيمٌ حَكِيمٌ ).

قاليك اﻹحتلام كيتعتبر مفسد للطهارة ، يعني ملي يوقع ليك هدشي خصك تنوض تغتسل وتبدل الحوايج لي طاح عليهم دكشي .

العلماء أش قاليك فهدشي ؟ الرجل واجب عليه يغتسل والمرأة لا حيت ما كيفسدش ليها الطهارة وكاين شي علماء قاليك واجب عليهم بجوج.
ولي كيحدد اﻹغتسال هو واش خرج السائل ولا لا ولا ماكانش خرج وما باينش أصلا بلا ما تغتسل .
(جاءت أُمُّ سُلَيْمٍ، امْرأةُ أبي طلحةَ، إلى رسول الله صلَّى اللهُ عليه وسلَّم، فقالتْ: يا رسولَ الله، إنَّ الله لا يَسْتَحْيِي مِن الحقِّ، هل على المرأةِ من غُسلٍ إذا هي احْتَلَمَتْ؟ فقال رسولُ اللهِ صلَّى اللهُ عليه وسلَّم: نعم، إذا رأتِ الماءَ).

الإحتلام بزاف راه يقدر يكون مرض المهم را كاينين اﻷدوية ديالو لي كعاني بزاف من هدشي وخصوصا لا كان كيوقع ليك هدشي بزاف وفوقت متقارب.

والحل هو تبعد أ صديقي على المثيرات الجنسية ومتفكرش فيهم أصلا ومتشربش أتاي بزاف والعواصير أ صحاب لافوكا