قانون مورفي

                               ...........    قانون مورفي :

شي مرات كا تكون كا تسنى طوبيس كيتعطل و  كا تقول نشعل شي كاررو تعطل تعطل. المفاجأة: غي كا تشعلو كا يجي طوبيس و كيكون عندك غي كاررو واحد ، كا تبغي تقجو  تدور كا تلقى الدريات كيشوفو فيك!!! ، كا تضطر تلوحو. هذا مثال ديال قانون مورفي.

 أش ناهو هاد القانون و أش كيقول و و كيفاش كي أثر ف الحياة اليومية ديالنا:
قانون مورفي هو ماشي قانون بالمعنى ديال معادلات رياضية 1 +1 =2 ، و إنما هو قواعد و ملاحظات اللي كا يتافق الجميع بانها كا توقع ليهم و مبني على التجربة و الملاحظة.
 في شق منو كاين معادلات رياضية اللي كا تشرحو كيف ما غادي نشوفو. و في شق آخر منو كيرتابط بالظواهر الكمومية (نشرحو الظواهر الكمومية شي مرة ) و  بعض المرات  ما عندكش تفسير و كا تقبل بالنتيجة ، طالما كا توقع لجميع الناس .
 قانون مورفي تسمى على أسم ديال المهندس مورفي اللي كان مسؤول على مشروع ديال تجارب متعلقة بالتسارع و تأثير ديال على الطيارين الحربيين (ف هاد المشروع تم إختراع بدلة الطيارين اللي كا تنفخ على الرجلين و كا تحبس الدم ما يطلعش للدماغ عند إقلاع الطائرات الحربية) سنة 1950 .
كان واحد التقني عيا ما يشرح ليه مورفي و فالآخر قودها و فدار غلاط ، و جا عند مورفي كا يعتذر منو ، و هنا قال ليه مورفي :
إلا كان إحتمال يوقع خطأ ، راه نتا غادي تدير أقصى مجهودك باش ترتكب هاد الخطأ ، ما تقلقش أ عشيري هانية . و هاد العبارة هي القانون الأصلي .
لموهيم ، سمعو المسؤول على المشروع ، و باش يشجع العاملين فالمشروع قال ليهم هاد العبارة باش كلشي يخدم مرتاح و تعرفات بقانون مورفي. و فعلا نقصات معدلات الأخطاء ، و من هنا تشهر قانون مورفي اللي كا تخدم به وكالة ناسا ليومنا هذا ، ف ورشات الصواريخ .

و هنا كا نلقاو قانون مورفي الأول اللي كا يقول : إلى توفرات الظروف لشي حاجة باش توقع غادي توقع. وهادي. ساهل الإثبات ديالها رياضيا بقانون الإحتمالات اللي كيقول ف شق منو : إلى كان إحتمال وقوع حدث معين يخالف صفر ، فحدوثه  أكيد بعد تكرار( 1 / احتمال وقوع الحدث ) على الأكثر . 
و كا نلقاو الصيغة الكمومية ديال القانون الأول كا تقول : جميع الحوايج لمقاودة كتجى فخطرة أو متابعة. (هههه عجباتكم هادي)

و كاين قانون مورفي الثاني كيقول : إلى خليتي الأمور تمشي بوحدها بلا ما تدخل فيها غادي تنتاقل من سيئ إلى أسوأ. و هادي مثبوثة فيزيائيا بقانون الأنثروبيا (القانون الثاني لل طيمو ديناميك ، نشرحوه شي مرة ).

هادي كانت ملخص ديال هاد القانون ، دبا نشوفو هاد القانون فين كاين فالحياة ديالنا :

 1 - إلى كنتي  كا تاكل توست مدهونة بشكلاط ، فواحد صالون مفرش بزربية ، فالإحتمال تطيح فوق الزربية على جهة اللي مدهونة بشكلاط ك يتناسب مع ثمن ديال زربية، يعني كل ما كانت زربية غالية غادي طيح توست على جهة اللي فيها شكلاط .

 2 - غالبا ملي كا نتسلفو شي حاجة من شي واحد و كا يبقى يقول ليك طهلا ليا فيها ، عندك تخسر ، كا تخسر.

3  - اللي قدامنا فالصف ، ديما كيتعطل .

4  - كا يتوضر ليك شارجور ، حتى كا تشري شي واحد عاد كا تلقى اللي تالف ليك .

5  - حتى كا نخرجو من لخدمة و كا نساو لمضل عاد كتجهد شتا .

6  - اللي كا نسميوه تقواس أو لعين فما هو غي صيغة ديال قانون مورفي ،، و كاين الإثبات ديالها فى ميكانيك الكم ، من خلال تجربة يونغ (قلبو عليها و شي مرة نهدرو عليها ).

هاد شي اللي كاين ليوم كتبتو بين ما طب لغدا.

اللي عندو شي مثال يكتبو فالتعليق.

بكلافيي:Youssef Senhaji