الثقـــــوب الســـــــوداء

"الثقـــــوب الســـــــوداء"

فهاد الموضوع غنسافرو للفضاء نشوفو البلان ديال هاد الثقوب السوداء...

هاد الثقوب كاينة فالفضاء وكتميز بواحد القوة جاذبية ميمكنش لك تخيلها لدرجة هاد الثقوب كتسرط أي حاجة قريبة ليها كيما كانت سوا أجرام سوا نيازك سوا كواكب سوا نجوم أي حاجة بالمعنى ديال لي طاح فالمقلة يتقلى...هاد الثقوب كثيرة وأقرب ثقب أسود لكوكب الأرض بعيد علينا ب 1600 سنة ضوئية يعني الشمس بعيدة علينا ب 8 دقايق ضوئية كما ان سرعة الضوء هي 300 ألف كيلومتر فالثانية....

هاد الثقوب دايرة بحال ديك الدوامة لي كاينة فمثلث برمودا لي كتسرط أي حاجة دازت من تما اعتمادا على الأعاصير والعواصف،...الثقوب السوداء هي واحد مجموعة من الفراغات كتسرط أي حاجة دازت من حداها الضو هو لخر لي سريع كاع كتسرطو، هاد الثقوب كتميز بواحد المادة قوية بزاف العلماء بغاو يشوفو القوة ديال هاد المادة وعطاو واحد المثال: مثلا نجيبو واحد الكمشة ديال تلج ايلا عبرناها غنلقاو فيها 37 غرام،  ويلا جبنا كمشة من الصخر ديال "الفرانيت" غنعبروها وغنلقاو 280 غرام، ويلا جبنا كمشة من المادة المركزة ديال "الشمس"وعبرناها غنلقاو 29 ألف غرام، اما ايلا جبنا كمشة من المادة ديال الثقب الاسود وعبرناها غنلقاو 50 ومن وراها 27 صفر غرام يعني (...الخ50.0000000000) يعني ضوبل ديال كوكب الارض فعشرة المرات...هاد الثقوب كتميز بواحد المادة كبيرة بزاف وأي حاجة دخلات لهاد الثقوب مكتبقاش ترجع نهائيا، وأي ثقب كيكون عندو واحد المجال سماوه العلماء ب"اللاعودة" وهاد المجال أي حاجة دخلات ليه مكتعاودش ترجع مهما كان الحجم والسرعة ديالها واخا يكون كوكب علا قدو والعلماء قالو الحاجة الوحيدة لي تقدر تخرج من هاد الثقب هو شي حاجة سريعة بزاف وتكون السرعة ديالو اسرع من سرعة الضوء وهذا مستحيل حيت مكيناش شي حاجة اسرع من سرعة الضوء..

هاد الثقوب قدما كلات وسرطات قدما تزادت الكثلة والحجم ديالها وتمددات، كيفاش تخلقات هاد الثقوب ؟ لحد لآن مكاينش شي دليل علمي مأكد ولكن جاو بعض النظريات وكاينة واحد نظرية مأيدينها بزاف ديال العلماء، هاد نظرية كتقول بلي هاد الثقوب السوداء تخلقات بسبب النفاد ديال الطاقة من النجوم وهاد طاقة كتنتجها النجوم من خلال شي تفاعلات نووية بسباب واحد الاندماج نووي بين ذرات الهيدروجين لي مكونة منها النجوم وفاش كتفاعل هاد ذرات الهيدروجين مع بعضياتها كتخلق لينا غاز الهيليوم وهاد الهيليوم حتى هو كيندامج وكيخلق لينا شي عناصر ثقيلة ومع المدة هاد التفاعلات النووية كتخلق لينا  واحد الطاقة كبيرة وهاد الطاقة هي هاديك الأشعة لي كتسيفطها لينا النجوم فليل، هاد التفاعلات العمر ديالها كيرجع ل"بلايين السنين" على حساب الكمية ديال الطاقة لي فكل نجم، مثلا الشمس العلماء كيقولو بلي تنشآت هادي 6 مليار سنة وغتبقى تنتج الطاقة لمدة 4 مليار سنة خرى ومن بعد غاطفى..

النظرية كتقول بلي هاد الثقوب كاتنشأ ملي كتسالي الطاقة من النجوم لي الكثلة ديالها مضوبلة على كثلة الشمس ف 25 مرة، ومع المدة كيوقع واحد توازن بين القوة لي كينتجها التفاعل النووي وبين المادة لي مكون منها النجم، فهاد الحالة النجم كيبقى كيما هو واخا تسالي منو الطاقة، هنا كيوقع واحد صراع بين قو الجاذبية وقوة الطاقة هنا المادة ديال النجم كاتحبس فالمركز ديالو وكيوقع عليها واحد الضغط كبير بسبب الكثافة ديالها والقوة ديال التجاذب الشيء لي كايولد واحد الانفجار بسباب داك الضغط على المادة لي فمركز النجم، من بعد الانفجار كايتخلق داك الثقب الأسود وكاع دوك الغازات لي كانت فالنجم والغلاف ديالو كايتشتت فالفضاء وكيتحول مركز النجم لثقب أسود وهاد الانفجار سماوه العلماء ب(سوبرنوفا)...

هادشي بالنسبة للنجوم العملاقة اما النجوم الصغيرة بحال الشمس فاش غتستالي منها طاقة غادة تولي مجرد اجرام طافية كيسميوها العلماء "نجوم نيترونية" ولا "اقزام بيضاء" حيت باش تحول لثقوب سوداء خص تكون الكثلة ديالها كبيرة....موهيم هادشي لي كاين نتشاوفو فشي موضوع خر.

بقلــم: الـﺴـــــــﺎﻋــــﺮ
Gerard Lopez