علاش_كانحزقو؟

#علاش_كانحزقو؟

الحزاق أولا الإنتفاخ البطني و المعروف بالغاز المعوي (intestinal gas) كايجي للأمعاء من بعد ما أننا كانسرطو كمية كبيرة من الهواء او على إثر النشاط ديال البكتيريات فالقولون (Colon) ديالنا.
فكل مرة كانسرطو شي حاجة كاتدخل مع اش سرطنا 10 مللتر ديال الهواء اولا فاش كانمضغو المسكة الهواء كايدخل مع الحلق و كاينزل للمعدة
ايلا ما تڭرعناش هاد الهواء فالبتالي راه كايسافر فالجهاز الهضمي ديالنا ليكايوصل الطول ديالو من 6 حتال 7 ديال الأمتار حتا كايخرج من المخرج

واحد الدراسة تدارت و كاتقول أن فالمدة ديال 24 ساعة من 0.6 حتال 1.8 لتر ديال الهواء كاتخرج عبر الجهاز الهضمي

الغازات اللي كانحزقو هي عبارة عن الأوكسجين والنيتروجين وثاني أكسيد الكربون ( هوما الغازات الخارجية اللي كانسرطو عن طريق الفم) والهيدروجين والميثان (اللي هوما الغازات الداخلية اللي كايتنتجو من طرف النشاط ديال البكتيريات (probiotics) اللي كايعيشو طبيعيا فالقولون ديالنا )

واحد التحليل دقيق للغاز المعوي ديالنا كايقول أنه كايتكون أساسا من الهواء الخارجي وكمية صغيرة فقط من الهواء الداخلي.

بكلافيي: Rafik Majdni