ﺍﻟـديـن أفيـــون الشعــوب" الديــن مخـــدر الشعـــوب

"ﺍﻟـديـن أفيـــون الشعــوب" الديــن مخـــدر الشعـــوب

فهاد الموضوع غنهضرو على هاد المقولة الثورية، المقولة كاترجع للفيلسوف وعالم الاجتماع "كارل هانريك ماركس" كلنا كنعرفو هاد السيد موهيم ندخلو فالموضوع ديالنا...

الدين أفيون الشعوب، الأفيون هو واحد المخدر كانو كيعطيوه للمرضى والناس لي كيعانيو ولكن هاد "الأفيون" واخا هو مخدر وكيحيد الألم كيرجع على صحة بنادم...نرجعو شوية لور...

فداك الوقت فعهد "كارل ماركس" كان دين المسيحية الكاثوليكية مضطارب شوية وكانو رجال الكنيسة دايرين واحد العقد مع رجال السلطة الحاكمة ف أوروبا، موهيم هاد رجال السلطة استاغلو هاد السلطة الدينية فداكشي لي بغاو وباش يقضيو مصالحهم الشخصية وكانو كيقمعو وينهبو ويشفرو كولشي تحت اسم الدين، وباش يحيدو عليهم الهضرة ديال الرأي العام والشبوهات ناضو حرمو على بنادم شي حاجة سميتها "البحث العلمي والغكري" باش تبقى ديما تحت السلطة ديالهم، موهيم من بعد جا واحد العالم الفيزيائي "جاليليو" غتكونو سمعتو بيه، هاد السيد تخطى الحدود لي وضعاتها السلطة الدينية ومشى قرى وبحث وجاب واحد النظرية ديال "الأرض كادور" هنا غادي تدخل المحكمة بقيادة البابا "لوريني" وغايحكمو عليه بالإعدام باش يكون عبرة لأي واحد جاب شي حاجة سميتها العلم، وباش ياخدو هاد رجال الكنيسة الاحتياط باش يبلوكيو العلم فديك البلاد  ناضو منعو ترجمة الإنجيل ويبقى غير فديك اللغة لي مكيفهمها حتى واحد من غير رجال الدين بوحدهم باش يحكمو السيطرة ديالهم على الشعب المسيحي ويعطيو غير الفتاوى لي بغاو لي كتخدم مصالحهم الشخصية حيت ايلا ترجمو الانجيل غاتنوض الثورة ضد الكنيسة حيت كيحرفو داكشي لي جا بيه الانجيل وكيخدموه فمصالحهم الشخصية فقط ويبررو بيه فعايلهم..

فهاد الفترة غايجي واحد المصلح كلنا كنعرفوه "مارتن لوثر" وكيقولو بلي هو أول واحد غايدعو لترجمة القرآن حيت قال غيكون فيه نفس البلان دديال فساد رجال الكنيسة، موهيم هاد "مارتن لوثر" حاول يطيح النظام "اللاهوتي" ديال الكنيسة وقاليهم خص العلاقة تكون مباشرة بين الانسان أو المتدين وبين الله وماخصش يكون بيناتهم حتى شي وسيط، هنا الكنيسة غتبدى دير شي اصلاحات بلعاني باش يسكتو بنادم، ولكن الناس فديك الفترة وصلات فيهم لعظم عياو من الحگرة ديال الحكام الطغاة لي كينهبو ب إسم الدين والسلطة الدينية والتبريرات ديال رجال الكنيسة لهاد الأفعال فحق الشعب، هنا غادي تنكاسر حدود الصبر وغايتفركع الشعب وغاتنوض ثورة الشعب وبقاو كيرددو "سنشنق رقبة آخر ملك بأمعاء آخر قسيس" ومن بعد هاد الثورة غادي طيح الكنيسة وغاتمشي ديك الحگرة ديال رجال الدين والحكام الطغاة وتحرر الشعب من السلطة الدينية..دابا فهمتو ليسطوار ديال المقولة وشنو قصد بيها "كارل ماركس"...

نرجعو دابا لمقولة "الدين أفيون الشعوب" هاد المقولة طلقها كارل ماركس ف1843 فالانتقاد ديالو لفلسفة الحقوق عند "فريدريك هيجل"....وكيقول "الدين زفرة الانسان المسحوق، روح عالم لا قلب له، كما انه روح الظروف الاجتماعية التي طرد منها الروح، إنه أفيون الشعب.." هادي دارها فالمقدمة ديال "النقد"

مقطع من "النقد" 👇👇
..."ان إلغاء الدين، بصفته سعادة الشعب الوهمية، يعني المطالبة بسعادته الفعلية. ومطالبة الشعب بالتخلي عن الأوهام حول وضعه، يعني مطالبته بالتخلي عن وضع في حاجة إلى أوهام. فنقد الدين هو، إذن، النقد الجنيني لوادي الدموع الذي يؤلف الدين هالة له.
لقد نزع النقد عن الأصفاد الزهور الوهمية التي كانت تغطيها، لا لكي يحمّل الإنسانَ أصفادا غير مزخرفة، موئسة، بل ليتخلى عن الأصفاد ويقطف الزهرة الحيّة. إن نقد الدين يحطم أوهام الإنسان، حتى يفكّر، ينشط، يصنع واقعه بصفته إنسانا تخلص من الأوهام وبلغ سنّ الرشد، لكي يدور حول نفسه، أي حول شمسه الحقيقية. فالدين ليس سوى الشمس الوهمية التي تدور حول الإنسان مادام الإنسان لا يدور حول نفسه.
إن مهمة التاريخ، إذن، بعد زوال عالم ما وراء الحقيقة هي أن يقيم حقيقة هذا العالم. تلك هي، بالدرجة الأولى، مهمة الفلسفة، التي تخدم التاريخ وذلك بعد أن يجري فضح الشكل المقدس للاستلاب الذاتي للإنسان، وينزع القناع عن الاستلاب الذاتي في أشكاله غير المقدسة. وبذلك يتحول نقد السماء إلى نقد الأرض، نقد الدين إلى نقد الحقوق، ونقد اللاهوت إلى نقد السياسة.."
موهيم هادشي لي كاين نتمنى يكون الموضوع فالمستوى نتقاشعو فشي موضوع خر.✌

بقلـم: الـــﺴــــــــﺎﻋــــﺮ

Gerard Lopez